best mpsc classes
best upsc classes
best upsc classes
best banking classes
mpsc upsc classes in kalyan

24-Sep-2017 चालू घडामोडी


1179   24-Sep-2017, Sun

  1. केंद्र सरकारने मुख्य आर्थिक सल्लागार अरविंद सुब्रह्मण्यम यांचा कार्यकाळ 1 वर्षांनी वाढवला आहे. ते ऑक्टोबर 2018 पर्यंत पदावर कायम राहतील, असे केंद्रीय  अर्थमंत्री अरुण जेटली यांनी स्पष्ट केले. 
  2. ऑक्टोबर 2014 मध्ये पुढील तीन वर्षांसाठी सुब्रह्मण्यम यांची भारताच्या मुख्य आर्थिक सल्लागारपदी नियुक्ती करण्यात आली होती.
  3.  अरविंद सुब्रह्मण्यम यांनी पदवीपूर्व शिक्षण हे दिल्लीतील सेंट स्टीफन्स कॉलेजमध्ये झाले. तर अहमदाबादमधील इंडियन इन्स्टिटयूट ऑफ मॅनेजमेंटमधून त्यांनी एमबीए पूर्ण केले. यानंतरचे एम.फिल. आणि  डी. फिलचे शिक्षण त्यांनी इंग्लंडमधील ऑक्सफोर्ड विद्यापीठातून पूर्ण केले आहे.
  4. 2008 मध्ये 'इंडिया टर्न : अंडरस्टँडिंग द इकॉनॉमिक ट्रान्सफॉर्मेशन' आणि 2011 मध्ये 'इक्लिप्स : लिव्हिंग इन शॉडो ऑफ चायनाज इकॉनॉमिक डॉमिनन्स' ही दोन पुस्तके त्यांच्या नावावर आहेत.
  5. तसेच 2012 मध्ये प्रसिद्ध झालेल्या 'हू नीड्स टू ओपन द कॅपिटल अकाउंट्स' या पुस्तकाचे सह-लेखक आहेत.


1175   24-Sep-2017, Sun

  1. वैद्यकीय क्षेत्रातले नियतकालिक ‘लॅन्सेट’ ने नवजातांच्या मृत्युदरासंदर्भात त्यांचा अहवाल प्रसिद्ध केला आहे. अहवालासाठी विशिष्ट कारणांस्तव नवजात (1 महिन्याहून कमी वयाचे) आणि 1-59 महिन्यांच्या वयोमर्यादेत मृत्यूदराचे सर्वेक्षण केले गेले. सर्वेक्षणानुसार, सन 2000 ते सन 2015 या काळात भारतात बालमृत्यू दरात प्रचंड घट झाल्याचे दिसून आले आहे.
  2. भारतात नवजातांच्या मृत्युदरात वार्षिक सरासरी  3.4% आणि 1-59 महिन्यांच्या वयोमर्यादेत मृत्यूदरात 5.9% इतकी घट नोंदवली गेले. 2005 सालापासून प्रथमच या स्वरुपात घट दिसून आलेली आहे, ज्यामुळे 2000-2005 च्या परिणामांच्या तुलनेत एक दशलक्षापेक्षा अधिक बालमृत्यू टळलेले आहेत.
  3. संक्रमणाने होणार्‍या नवजातांच्या बालमृत्यू दरात  66% ची घट झालेली असून हा दर सन 2000 च्या दर 1000 जन्मामागे 11.9 वरून सन 2015 मध्ये दर 1000 जन्मामागे 4.0 इतक्यावर आला.
  4. श्वासोच्छवासासंबधी किंवा मानसिक अवस्थेसंदर्भात होणार्‍या बालमृत्यू दरात 76% ची घट झालेली असून हा दर सन 2000 च्या दर  1000 जन्मामागे 9.0 वरून सन 2015 मध्ये दर 1000 जन्मामागे 2.2 इतक्यावर आला.
  5. 1-59 महिन्यांच्या वयोमर्यादेत, न्यूमोनियामुळे होणार्‍या मृत्यूदरात 63% ची घट झालेली असून हा दर सन 2000 च्या दर 1000 जन्मामागे  11.2 वरून सन 2015 मध्ये दर 1000 जन्मामागे 4.2 इतक्यावर आला.
  6. अतिसारमुळे होणार्‍या मृत्यूदरात 66% ची घट झालेली असून हा दर सन 2000 च्या दर 1000 जन्मामागे  9.4 वरून सन 2015 मध्ये दर 1000 जन्मामागे 3.2 इतक्यावर आला.
  7. नवजात टिटेनस मृत्युदर सन 2000 च्या दर 1000 जन्मामागे 1.6 वरून सन 2015 मध्ये दर 1000 जन्मामागे 0.1 इतक्यावर आला.
  8. 1-59 महिन्यांच्या वयोमर्यादेत, गोवरमुळे होणारा मृत्यूदर सन 2000 च्या दर 1000 जन्मामागे  3.3 वरून सन 2015 मध्ये दर 1000 जन्मामागे 0.3 इतक्यावर आला.
  9. मात्र, दिवस भरण्याआधीच किंवा कमी वजनाने होणारा मृत्यूदर सन 2000 च्या दर 1000 जन्मामागे  12.3 वरून सन 2015 मध्ये दर 1000 जन्मामागे 14.3 इतक्यावर आला. गरीब राज्यात आणि ग्रामीण भागात कमी वजनाने होणारा मृत्यूदर अधिक आहे.
  10. निष्कर्षानुसार, ‘लॅन्सेट’ चे असे स्पष्ट मत पडले आहे की, "बालमृत्युदरासंदर्भात 2030 शाश्वत विकास ध्येय साधण्यासाठी, भारताला 1-59 महिन्यांच्या वयोमर्यादेतला मृत्युदर सध्याप्रमाणेच कायम ठेवण्याची गरज आहे आणि सन 2015 नंतर पुढे नवजातांच्या मृत्यूदर ( वार्षिकी >5% पर्यंत) कमी असायला हवे. तसेच न्युमोनिया, अतिसार, मलेरिया आणि गोवर यामुळे 1-59 महिन्यांच्या वयोमर्यादेतला मृत्युदर कमी होण्याची संभवता आहे. कमी वजनाच्या मुद्दयाकडे अधिक लक्ष देणे आवश्यक आहे."


1127   24-Sep-2017, Sun

  1. उस्मानिया विद्यापीठाच्या वनस्पतीशास्त्रज्ञ सी. वेंकटेश्वर यांच्या नेतृत्वात संशोधकांच्या चमूने हैदराबादमधील हुसैनसागर यासारख्या तलावातले पाणी अगदी कमी खर्चात स्वच्छ केले जाऊ शकते असा दावा केला आहे.
  2. संशोधकांनी ' सी.व्ही. टेक्नोलॉजी' नामक एक रासायनिक सूत्र तयार केले आहे. या तंत्रज्ञानाचा वापर केल्यास WHO आणि भारतीय मानदंडाची पूर्तता होत असल्याचे आढळून आले आहे.
  3. त्यांच्या दाव्यानुसार,  रासायनिक तंत्रज्ञानाचा वापर करून काही तासांतच तलावाचे पाणी साफ केले जाऊ शकते आणि पिण्यायोग्य पाणी बनवू शकते. तसेच त्याचा वापर मत्स्यव्यवसाय आणि पाण्यातील शेती करण्यास केला जाऊ शकतो.

  4. प्रक्रियाकृत पाण्याच्या गुणवत्तेत वाढ होऊन त्याच्या  12 मापदंडात सुधारणा झाल्याचे आढळून आले आहे.प्रक्रियाकृत पाण्याने आधीच्या दूषित पाण्यामधील ऑक्सीजन प्राणवायूची मागणी म्हणजेच  BOD 34.08 वरून 14.5 वर आला.

  5. पाण्यात जीवन निर्मितीसाठी कमी BOD (Biochemical oxygen demand) असणे गरजेचे आहे. याशिवाय, पुर्णपणे मिसळलेले ठोस पदार्थांमध्ये कमतरता आढळून आली आणि धातूच्या कणांमध्येही कमतरता आढळून आली


884   24-Sep-2017, Sun

  1. अमेरिकेचे संरक्षण मंत्री जेम्स मॅटिस हे या आठवड्यात भारत दौऱ्यावर येत आहेत. या दौऱ्यादरम्यान भारत आणि अमेरिका यांच्यातील संरक्षण संबंधांवर चर्चा होण्याची शक्यता आहे. 
  2. इतकेच नाही तर  22 मानवरहित ड्रोन खरेदीच्या योजनेलाही या दौऱ्यादरम्यान मंजुरी मिळण्याची शक्यता आहे.
  3. समुद्री सीमांवर नजर ठेवण्यासाठी भारत या ड्रोनचा वापर करण्याची शक्यता आहे. जर या योजनेला मंजुरी मिळाली तर भारतीय नौदलाकडे जगातील  सर्वात प्रगत शैलीचे ड्रोन असतील यात शंकाच नाही. 
  4. या  ड्रोनद्वारे चीन आणि पाकिस्तान या दोन्ही देशांच्या कारवायांना उत्तर देणे शक्य होणार आहे. 
  5.  ड्रो नची ताकद भारतीय नौदलाचे सामर्थ्य वाढवण्यात हातभार लावणार आहे. 
  6. भारताच्या समुद्री सीमारेषांवर चीनने नजर ठेवण्यास सुरूवात केली आहे, त्याचमुळे  मॅटिस यांच्या भारत दौऱ्यादरम्यान ड्रोन कराराला मंजुरी मिळण्याची शक्यता आहे. 
  7. दोन्ही देशांमधील  सुरक्षा करार वृद्धींगत करण्याच्या दृष्टीने जेम्स मॅटिस आणि पंतप्रधान नरेंद्र मोदी यांच्यात चर्चा होणार आहे.

दिनांक

दि हिंदू the indian express लोकसत्ता महाराष्ट्र टाइम्स My Government aple sarkar mahaonline

All Rights Reserved @ Reliable Academy, Designed by Accunity Services.


Top

Whoops, looks like something went wrong.