India beat Bangladesh by five runs to lift U-19 Asia Cup

अत्यंत चुरशीच्या सामन्यात अथर्व अंकोलेकरने घेतलेल्या ५ बळींच्या जोरावर भारताने बांगलादेशला ५ धावांनी पराभूत करत १९ वर्षांखालील आशिया चषकाचे विजेतेपद मिळवले आहे.

 भारत आणि बांगलादेश या दोन्ही देशांमध्ये अखेरचा सामना कोलंबो येथे रंगला होता.

आशिया चषकाच्या अंतिम सामन्यात भारताने बांगलादेशसमोर विजयासाठी १०६ धावांचे आव्हान ठेवले होते.

 या सामन्यात बांगलादेश सहज विजय मिळवेल, असेच सर्वांना वाटले होते. मात्र, डावखुरा फिरकीपटू अथर्व अंकोलेकरने २८ धावांत टिपलेल्या ५ गड्यांमुळे भारताने जेतेपदावर नाव कोरले.

बांगलादेशचा संपूर्ण संघ १०१ धावांवर बाद झाला.

 दरम्यान, १९ वर्षांखालील भारतीय संघाची सुरुवात खराब झाली.

नाणेफेक जिंकून प्रथम फलंदाजी करण्याचा भारताचा निर्णय चुकीचा ठरला.

अखेर भारताचा संपूर्ण संघ ३२.४ षटकामध्ये १०६ धावाच करू शकला.


Mithali Raj announces retirement from T20 Internationals

भारतीय महिला संघाची माजी कर्णधार मिताली राजने टी-20 आंतरराष्ट्रीय क्रिकेटला राजीनामा दिला आहे.

भारतीय महिला संघाची माजी कर्णधार मिताली राजने टी-20 आंतरराष्ट्रीय क्रिकेटला रामराम केला आहे. तिने आजवरच्या कारकीर्दीत तीन टी-20 विश्वचषकांसह 21 टी-20 सामन्यांमध्ये भारताचं नेतृत्त्व केलं आहे. मितालीने 89 टी-20 सामन्यांमध्ये 37.52 च्या सरासरीने 2 हजार 364 धावांचा रतीब घातला आहे. यामध्ये तिच्या 17 अर्धशतकांचा समावेश आहे. एका भारतीय महिला फलंदाजाची टी-20 मधली ही सर्वोत्तम कामगिरी आहे.

टी-20 क्रिकेटमध्ये 2 हजार धावा करणारी मिताली राज पहिली भारतीय फलंदाज ठरली होती. विशेष म्हणजे भारतीय संघाचा कर्णधार विराट कोहली आणि एकदिवसीय संघाचा उपकर्णधार रोहित शर्मा या दोघांच्याही आधी मितालीने 2 हजार धावांचा टप्पा पार केला होता. भारतातर्फे टी-20 क्रिकेटमध्ये सर्वाधिक धावा करण्याचा विक्रम सध्या मितालीच्याच नावावर आहे.


Rahul Amarkha of Maharashtra selected for World Wrestling Championship

  1. कझाकस्तान येथे जागतिक अजिंक्यपद कुस्ती स्पर्धेसाठी महाराष्ट्राचा कुस्तीपटू राहुल आवारेची भारतीय संघात निवड झाली आहे.
  2. त्याने निवड चाचणी स्पर्धेत ६१ किलो वजनी गटात बाजी मारून जागतिक स्पर्धेची पात्रताही निश्चित केली.
  3. राहुलने २०१८ मध्ये युवा राष्ट्रकुल स्पर्धेत सुवर्णपदक मिळवलेले आहे. तसेच कनिष्ठ स्पर्धेतही तो रौप्यपदक विजेता आहे. राहुलसह सुशील कुमारनेही जागतिक स्पर्धेची पात्रता निश्चित केली आहे.
  4. मंगळवारी जागतिक अजिंक्यपद कुस्ती स्पर्धेसाठी पार पडलेल्या निवड चाचणी स्पर्धेत राहुलने ६१ किलो वजनी गटात रवींदरचा ६-२ असा पराभव केला.
  5. ही स्पर्धा २०२० च्या टोक्यो ऑलिम्पिक स्पर्धेची पात्रता मिळवण्याची पायरी आहे.
  6. कुस्ती संघटनेतील राजकारणाचा बळी पडल्यानं राहुलला २०१६च्या रिओ ऑलिम्पिक स्पर्धेला मुकावे लागले होते.
  7. २०१८ मध्ये गोल्ड कोस्ट येथे राष्ट्रकुल स्पर्धेतील सुवर्णपदक मिळवले आणि विरोधकांना आपली दखल घेण्यास भाग पाडले.
  8. राष्ट्रकुल स्पर्धेत ५७ किलो वजनी गटात सुवर्णपदक मिळवले होते.


In the Czech Republic, Hima Das and Mohamed Anas won gold medals

  1. झेक प्रजासत्ताक या देशात सुरु असलेल्या मिटींक रीटर अॅथलेटिक्स स्पर्धेत 300 मीटर शर्यतीत भारताचे धावपटू हिमा दास व मोहम्मद अनास यांनी वैयक्तिक सुवर्णपदक पटकावले आहे.
  2. 2 जुलैपासून युरोपमध्ये सुरु असलेल्या या स्पर्धांमध्ये हिमा दासचे हे सहावे सुवर्णपदक ठरले.
  3. 17 ऑगस्टला झालेल्या 300 मीटरच्या शर्यतीत हिमाने 33.29 सेकंद अशी वेळ नोंदवताना सुवर्णपदकाला गवसणी घातली.
  4. या प्रकारात रशियाला रौप्य तर पोलंडला कांस्यपदक मिळाले.
  5. या स्पर्धेत भारताचा युवा धावपटू मोहम्मद अनासने 300 मीटरच्या शर्यतीत 32.41 सेकंद वेळ नोंदवत सुवर्णपदक पटकावले.
  6. युरोपमधील स्पर्धांमधील अनासचे हे चौथे सुवर्ण आहे.


Ravi Shastri: Head coach of Team India by November 2021

  1. 17 ऑगस्ट रोजी कपिल देव (अध्यक्ष), अंशुमन गायकवाड आणि शांता रंगास्वामी या त्रिसदस्यीय क्रिकेट सल्लागार समितीने (CAC) रवी शास्त्री यांची टीम इंडियाच्या मुख्य प्रशिक्षकपदी फेरनिवड केली.
  2. आता रवी शास्त्री यांचा कार्यकाळ टी-20 विश्वचषक 2021 पर्यंत असणार आहे.
  3. रवी शास्त्री यांची तिसऱ्यांदा प्रशिक्षकपदी वर्णी लागली आहे.
  4. रवी शास्त्रींसमोर चार प्रमुख आव्हाने आहेत आणि ते आहेत –
    1. 2020 साली टी-20 विश्वचषक;
    2. 2021 साली टी-20 विश्वचषक,
    3. 2021 विश्व कसोटी अजिंक्यपद
    4. 2021 विश्व एकदिवसीय अजिंक्यपद.
  5. रवी शास्त्री यांची जुलै 2017 मध्ये दुसऱ्यांदा प्रशिक्षक म्हणून निवड केली गेली होती.
  6. त्यांच्या नेतृत्वात भारतीय संघाने 21 कसोटी सामने खेळले. त्यातल्या 13 सामन्यांमध्ये संघाने विजय मिळवला.
  7. तर टी-20 आंतरराष्ट्रीय सामन्यात भारताने 36 सामन्यांपैकी 25 सामन्यांमध्ये विजय मिळवला.
  8. यासोबतच एकदिवसीय सामन्यात 60 पैकी 43 सामन्यांमध्ये विजय मिळवला.


MPSC chalu ghadamodi, current affairs

1. 14 ऑगस्ट, 2019 रोजी वेस्ट इंडिजविरुद्धच्या सामन्यात विराट कोहली एका दशकात 20,000 आंतरराष्ट्रीय धावा करणारा पहिला फलंदाज ठरला आहे.

2.  कोहलीने एकंदर तिन्ही प्रकारच्या खेळात 20,502 धावा केल्या आहेत ज्यापैकी चालू दशकात 20,018 धावा आहेत. वेस्ट इंडिजविरुद्धच्या तिसर्‍या एकदिवसीय सामन्यात त्याने केलेल्या शतकाच्या वाटेवर त्याने हे यश संपादन केले.

3. मुख्य ठळक मुद्दे :

• ऑस्ट्रेलियाचा माजी क्रिकेटपटू रिकी पॉन्टिंगने एका दशकात सर्वाधिक आंतरराष्ट्रीय धावा केल्याचा विक्रम 2000 च्या दशकात 18,962 इतका होता.
• दक्षिण आफ्रिकेचा माजी खेळाडू जॅक कॅलिस 2000 च्या दशकात 16,777 धावा घेऊन तिसर्‍या स्थानावर आहे.
• श्रीलंकेचा महेला जयवर्धने आणि कुमार संगकारा अनुक्रमे 16,304 आणि 15,999 धावांनी चौथ्या आणि पाचव्या स्थानावर आहेत.
• 2000 च्या दशकात भारताचा सचिन तेंडुलकर 15,962 धावाांसह सहावा तर राहुल द्रविड 18,583 धावाांसह सातव्या स्थानी आहे.

4. कोहलीची शतकांची हॅटट्रिक :

• विराट कोहलीने या एकदिवसीय मालिकेत सलग दुसरे एकदिवसीय शतक झळकावले परंतु वेस्ट इंडिजमधील हे त्याचे सलग तिसरे शतक आहे.
• 2017 मध्ये विराट कोहलीने किंग्सटन वनडेमध्ये नाबाद 111 धावाही केल्या. त्यावेळी त्याने त्रिनिदादमध्ये सलग दोन एकदिवसीय सामन्यांमध्ये दोन शतके केली होती.
• त्रिनिदाद येथे झालेल्या दुसर्‍या सामन्यात विराट कोहलीने 125 चेंडूत 120 धावा केल्या. तिसर्‍या आणि अंतिम सामन्यात विराट कोहलीने 99 चेंडूत 114 धावा केल्या.

5. सर्वाधिक जलद 10,000 धावा :

• कर्णधार म्हणून आंतरराष्ट्रीय क्रिकेटमध्येही विराट कोहलीने सर्वात वेगवान 10,000 धावा केल्या. विराट कोहलीने 176 डावात ही कामगिरी केली. यापूर्वी हा विक्रम रिकी पॉन्टिंगने 225 डावात केला होता.


MPSC chalu ghadamodi, current affairs

1. मोटरस्पोर्ट्स या खेळामध्ये भारताकडून खेळणारे खेळाडू फार कमीच दिसतात. तशातच 23 वर्षीय ऐश्वर्या पिसे हिने या क्रीडा प्रकारात विश्वविजेतेपद जिंकून इतिहास रचला आणि भारताची मान उंचावली. त्यामुळे तिचे सर्व स्तरातून कौतुक होत आहे.

2. ऐश्वर्याने दुबईत झालेल्या पहिल्या फेरीत बाजी मारली होती. त्यानंतर पोर्तुगालमध्ये झालेल्या फेरीत तिने तिसरे स्थान पटकावले होते. तसेच, ती स्पेनमधील फेरीत पाचव्या, तर हंगेरीत चौथ्या क्रमांकावर होती. तिच्या या दमदार कामगिरीच्या जोरावर तिने एकूण 65 गुण कमावले आणि तिने विश्वविजेतेपदाला गवसणी घातली.

3. तर पोर्तुगालची रिटा हिने 61 गुणांसह दुसरा क्रमांक पटकावला. ज्युनियर गटात ऐश्वर्याला 46 गुणांसह दुसऱ्या स्थानावर समाधान मानावे लागले होते.


MPSC chalu ghadamodi, current affairs

1. स्पेनच्या राफेल नदालने रशियाच्या डॅनिल मेदवेदेव याचा 6-3, 6-0 असा धुव्वा उडवत माँट्रियल मास्टर्स टेनिस स्पर्धेच्या विजेतेपदाला गवसणी घातली.

2. तसेच यासह नदालने नोव्हाक जोकोव्हिचला (33 जेतेपदे) मागे टाकत आपल्या मास्टर्स विजेतेपदांची संख्या 35 वर नेली.

3. तर लाल मातीचा बादशाह समजल्या जाणाऱ्या नदालने आपल्या कारकीर्दीत पहिल्यांदाच हार्डकोर्टवर इतक्या सहजपणे विजेतेपद कायम राखले.


MPSC chalu ghadamodi, current affairs

1. दुसऱ्या वन-डे सामन्यात रोहित-विराटने 74 धावांची भागीदारी करत सचिन-सेहवान जोडीचा आणखी एक विक्रम आपल्या नावे जमा केला आहे.

2. विराट-रोहित जोडीची वन-डे कारकिर्दीतली ही 32 वी अर्धशतकी भागीदारी ठरली आहे. सचिन-सेहवान जोडीच्या नावावर 31 अर्धशतकी भागीदारी जमा आहेत.

3. भारताकडून वन-डे क्रिकेटमध्ये सर्वाधिक अर्धशतकी भागीदारी करण्याच्या विक्रम हा सचिन-सौरव गांगुली जोडीच्या नावावर आहे. या जोडीने 55 अर्धशतकी भागीदारी केल्या आहेत.


MPSC chalu ghadamodi, current affairs

1. भारताच्या दोन आघाडीच्या पहेलवानांनी आंतरराष्ट्रीय स्पर्धांमध्ये शानदार कामगिरी करत आपली लय कायम राखली.

2. बजरंग पुनिया याने तबिलिसी ग्रां.पीमध्ये आपल्या विजेतेपदाचा बचाव केला. तर विनेश फोगाट हिने मेदवेद कुस्ती स्पर्धेत चौथ्यांदा अंतिम फेरी गाठली आहे.

3. जॉर्जियामध्ये खेळल्या गेलेल्या तबिलसी ग्रांपीमध्ये गेल्या वर्षी सुवर्ण पदक जिंकणाऱ्या बंजरंग याने पुरूषांच्या फ्री स्टाईल कुस्तीमध्ये अंतिम सामन्यात इराणच्या पेइमन बिब्यानीला 2 – 0 अशी मात दिली.

4. बेलारुसच्या मिन्स्कमध्ये मेदवेद कुस्ती स्पर्धेत विनेश हिने महिलांच्या 53 किलो गटात स्थानिक पहेलवान याफ्रेमेनका हिला एकतर्फी झालेल्या सामन्यात 11-0 असे पराभूत केले.


Top